蒙嘉慧与郑伊健于2013年结婚，婚后蒙嘉慧减产，并于2019年与三位合伙人于福冈开设房地产公司，港日两边走。近日，蒙嘉慧复出幕前，与保锜及陈海宁（Dee姐）主持ViuTV节目《呢度住吓 嗰度住吓》，令其有一定追看性；不过，有网民就觉得保锜于节目表现差，所以即使蒙嘉慧罕有主持都唔想睇个节目。
蒙嘉慧于节目带住保锜和Dee姐到北九州周围住吓，不但去乡下夜宿百年老屋、学做农夫落田摘菜、废校Glamping兼放羊，更会到全九州最大嘅骨董市场摆档等等，体验「呢度住吓、嗰度住吓」。不过，保锜嘅表现却引来批评；首先被批于节目内不停晒肌肉，睇到在场人士都好无奈，更被指唔认真及心不在焉。另外，保锜于参观道场向一班小朋友大谈黄色笑话，包括「吔咩嗲」、「俭摩芝」，听到小朋友都吓到发呆。
今次蒙嘉慧肯出山拍摄，全因Dee姐。Dee姐与郑伊健合作《深宵闪避球》变得熟络，更于一次到福冈旅行时探访蒙嘉慧，二人因福冈名物牛肠锅「一食如故」，于是当ViuTV搵蒙嘉慧合作时，佢就点名要Dee姐过嚟同佢一齐拍，观众亦大讚蒙嘉慧与Dee姐于《呢度住吓 嗰度住吓》互动得好好。反观，唔少网民指蒙嘉慧与保锜嘅互动相当尴尬，保锜不断提起蒙嘉慧喺电影《流氓师表》嘅角色「鲁媚」，令蒙嘉慧都懒得回应。对于保锜呢次嘅表现，网民相当多意见，留言指要剪走保锜：「睇poki真係睇到好尴尬，点解死都要加poki落去？我想认真睇Yoyo」、「Poki做主持唔係好认真咁」、「可唔可以加班再剪过，剪走保锜」、「失礼嘅黄色说话，或无啦啦同日本人讲中文」、「搵保锜做，浪费左个题材」、「成个节目未睇都失色了，就係保锜有份做，真係已经唔感兴趣」、「我觉得保锜唔适合做呢个节目，完全融入唔到，又冇乜做功课，Viu都有责任，拣错主持，唔适合佢」等等；但都有网民唔觉得保锜有问题：「保锜制造节目效果，笑到碌地，开心真係好简单」、「我都係其中一个观众 唔太觉得佢有问题？！佢做节目不嬲都係咁㗎啦」、「锺意睇既咪节目效果，唔锺意既咪失礼啰，搵得佢拍就预左佢会讲经架啦，佢正经反而先得人惊」、「要正经，就唔会搵佢啦」等等。
按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！
其他人也在看
