韩星Jessi因男粉丝被殴打冇阻止形象插水 以被告人身分现身警局接受调查

韩国知名嘻哈女歌手Jessi（扈贤珠）日前被爆喺首尔街头目睹18岁男粉丝被同行者殴打没有阻止，兼喺混乱中离开现场，该暴力事件起因极大争议。Jessi除咗形象插水之外，亦遭到被害人起诉。前日（16日）Jessi再次以被告人身分到首尔江南警察署接受调查。

根据韩媒报导，Jessi表示当日係第一次见加害人，而佢亦对受害者深感抱歉，现时希望尽快搵到施暴者，等佢可以得到应有嘅惩罚。外界对佢撇清关係嘅态度非常不满，令佢再次被抨击。

韩媒《JTBC》亦公开案发时另一角度嘅CCTV画面，当时Jessi係有伸手打算拉住施暴者，不过之后被其他人带走，所以唔少人都认为Jessi同施暴者好有可能係认识。

另外，Jessi亦有就暴力事件喺社交网站上载道歉信，不过未能平息网民怒火，甚至怀疑道歉文係代笔，根本唔係佢本人写。受害者嘅妈妈睇完道歉信非常愤怒，表示Jessi根本係帮自己搵藉口，并强调受害者係见到Jessi同加害者係一齐同行，唔係Jessi所讲嘅唔识加害者。

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！